Ndeshja mes Rumanisë dhe Kosovës u ndërpre në minutat shtesë, për shkak të thirrjeve kundër shqiptarëve.
Ka qenë minuta e 95-të kur kapiteni Amir Rrahmani ka tërhequr ekipin në dhomat e zhveshjes, pas thirrjeve raciste të përsëritura në stadium nga tifozëria ultrase rumune.
Të parët janë larguar natyrshëm kosovarët dhe rumunët kanë pritur për shumë minuta që ndeshja të rifillonte.
Pas më shumë se 60 minutave, arbitri thirri në fushë të dyja skuadrat. Vendasit dolën, ndërsa lojtarët e Kosovës nuk pranuan të dalin. Në këtë mënyrë, arbitri vendosi mbylljen e ndeshjes.
Më parë, gjatë ndeshjes është vërshëllyer edhe himni i Kosovës.
Ky nuk është incidenti i parë mes dy skuadrave, pasi edhe më parë në takimet mes tyre ka pasur ndërprerje të takimit për shkak të incidenteve nga tifozëria rumune, gjatë eleminatoreve për Evropianin e kaluar.
(A2 Televizion)
A2 CNN Livestream
MUND TE LEXONI GJITHASHTU
