Diogo Jota, sulmuesi i Liverpool, ka ndërruar jetë në një aksident rrugor.
Aksidenti tragjik për futbollistin 28-vjeçar portugez ka ndodhur në Zamora të Spanjës, në orën 00:30, shkruan A2.
Në makinën ku po udhëtonte lojtari i famshëm ka qenë edhe vëllai i tij 26-vjeçar, Andre, i cili gjithashtu nuk i ka mbijetuar aksidentit.
Sipas gazetës spanjolle “AS”, makinës Lamborghini me të cilën udhëtonte Diogo Jota i ka shpërthyer goma e pasme në parakalim e sipër. Si pasojë, mjeti ka dalë nga rruga dhe ka marrë flakë.
Tragjedia vjen vetëm disa ditë pasi Diogo Jota u martua me partneren e tij që nga viti 2012, Rute Cardoso.
Portugezi u martua në 22 qershor dhe la pas 3 fëmijët që kishte me partneren e tij: 4 vjeç, 2 vjeç dhe 7 muajsh.
(A2 Televizion)
A2 CNN Livestream
MUND TE LEXONI GJITHASHTU
