Vllaznia e futbollit nuk po kalon momentin më të mirë në fushë, por në Shkodër ka ende arsye për të buzëqeshur… dhe këtë herë protagonistë janë ata që kanë shkruar historinë e klubit.
Veteranët e Vllaznisë u bënë bashkë në aktivitetin “Kupa Miqësia”, një turne që solli në Shkodër ish-futbollistë të kuqebluve, veteranët e Flamurtarit, një ekip të ardhur nga Detroiti, por edhe emra të njohur të Kombëtares shqiptare.
Në një ditë ku rezultati ishte më pak i rëndësishëm se miqësia dhe kujtimet, Vllaznia arriti të ngrejë në fund trofeun e “Kupës Miqësia”. Një tjetër sukses për emrat që dikur kanë mbushur stadiumin dhe kanë emocionuar tifozët shkodranë, shkruan A2.
Por, festa nuk u ndal te fusha. Mbrëmja vijoi me një darkë të përbashkët, ku ikonat e futbollit shqiptar rikthyen edhe një herë atmosferën e viteve të bukura.
Mes muzikës, duartrokitjeve dhe batutave, veteranët treguan se pasioni për futbollin nuk njeh moshë. Edhe Presidenti i Vllaznisë, Xhaferi, iu bashkua festës.
Një mbrëmje nostalgjie dhe miqësie, që për pak orë bëri Shkodrën të harrojë rezultatet dhe t'i kthejë buzëqeshjen futbollit kuqeblu. (A2 Televizion)
A2 CNN Livestream
MUND TE LEXONI GJITHASHTU
