Thomas Tuchel përballet me një situatë të papritur vetëm pak ditë para startit të Ligës së Kombeve. Pesë futbollistë janë detyruar të tërhiqen nga grumbullimi i Anglisë për shkak të problemeve fizike.
Bëhet fjalë për Declan Rice, Cole Palmer, Marcus Rashford, Kobbie Mainoo dhe Tino Livramento, pesë emra të rëndësishëm në planet e trajnerit gjerman. Federata Angleze konfirmoi se të gjithë janë jashtë për shkak të problemeve të ndryshme fizike.
Mungesa e Palmerit është veçanërisht e rëndësishme, pasi sulmuesi i Chelseat ishte rikthyer në listën e Tuchelit pas mungesës në Botërorin e këtij viti. Edhe Rice është një nga titullarët kryesorë të Anglisë, ndërsa Rashford dhe Mainoo vijnë nga Manchester United, shkruan A2.
Tuchel ka reaguar menjëherë duke plotësuar grupin me Morgan Gibbs-White dhe James Garner, të cilët janë thirrur si zëvendësues.
Anglia nis aventurën në Ligën e Kombeve më 26 shtator ndaj Spanjës, përpara transfertave me Çekinë dhe Kroacinë. Për Tuchelin, një nisje që vjen tashmë me një problem të madh për të menaxhuar: pesë mungesa të rëndësishme dhe një skuadër që duhet riformatuar në një kohë shumë të shkurtër. (A2 Televizion)
A2 CNN Livestream
MUND TE LEXONI GJITHASHTU
