Vllaznia ka arritur një fitore të rëndësishme në transfertë ndaj Bylisit me rezultatin 0-1. Shkodranët u desh të përballen me shumë vështirësi në Ballsh, por në fund siguruan tri pikë të çmuara.
Pjesa e parë u mbyll pa gola, pavarësisht disa rasteve të krijuara nga të dyja skuadrat. Ndeshja u zhbllokua vetëm në minutën e 83-të, kur një aksion i Vllaznisë përfundoi me një autogol të pafat nga mbrojtësi i Bylisit, Peralta.
Skuadra vendase reagoi menjëherë dhe mendoi se kishte barazuar në minutat e fundit, kur Abdullai shënoi pas një aksioni të diskutueshëm. Megjithatë, arbitri anuloi golin për shkak të një faulli të mëparshëm.
Kjo ishte fitorja e tretë radhazi për ekipin e drejtuar nga Edi Martini, që ngjitet në kuotën e 16 pikëve. Ndërkohë, Bylisi mbetet në vështirësi me vetëm 6 pikë të grumbulluara deri tani. (A2 Televizion)
A2 CNN Livestream
MUND TE LEXONI GJITHASHTU
