Sulm më bombë në një xhami të Kabulit, vriten 12 persona, mes tyre imami

Një shpërthim brenda një xhamie në një lagje në veri të Kabulit, ka shkaktuar vdekjen e 12 personave dhe plagosjen e mbi dhjetëra të tjerëve.

Lajmin e ka konfirmuar zëdhënësi i policisë së Kabulit, i cili tha se eksplozivët ishin vendosur brenda xhamisë, ndërsa bomba shpërtheu gjatë lutjeve të së premtes.

Zëdhënësi i Policisë afgane, Ferdaws Faramarz, tha se imami i xhamisë ishte mes të vdekurve.

Bomba shpërtheu ndërsa lutjet kishin filluar. Deri më tani askush nuk e ka marrë përgjegjësinë për sulmin, por nga hetimet fillestare të policisë dyshohet se imami mund të ketë qenë shënjestra, tha zëdhënësi i Policisë.

Shpërthimi vjen ndërsa Talebanët dhe qeveria afgane njoftuan një armëpushim tri-ditor pas muajit të agjërimit të Ramazanit, për festivalin Islamik Eid-al-Fitr. (A2 Televizion)