4 oficerë policie dolën në një seancë dëgjimore në Kongres, duke thënë përpara ligjvënësve se gjatë protestave të 6 janarit në Godinën e Capitoll Hill, ata janë rrahur, goditur, fyer me sharje racore dhe kërcënuar se do të vriten.
Gjithçka ka ndodhur teksa të katërt efektivët ishin në krye të detyrës më 6 janar në mbrojtje të Kongresit dhe në një përballje të drejtpërdrejtë me mbështetësit e organizuar të ish-presidentit Trump.
Disa herë, ata janë përlotur përpara kongresmenëve, duke i quajtur protestuesit “terroristë të angazhuar e mirorganizuar në një grusht shteti të mirëfilltë”.
Gjatë seancës me 4 oficerët, që zgjati për 3 orë e gjysmë, ata kritikuan ashpër ligjvënësit republikanë, që sipas tyre u tërhoqën dhe për asnjë moment nuk i dolën në krah policisë.
Ata kërkuan nga drejtësia dhe Kongresi që të nisin hetimet për sjelljen e Donald Trump atë ditë, duke këmbëngulur se protestuesit janë inkurajuar nga ai për gjithçka ndodhi më 6 janar të këtij viti. (A2 Televizion)
A2 CNN Livestream
MUND TE LEXONI GJITHASHTU
