Kreu i Partisë së Lirisë, Ilir Meta, zhvilloi një takim me persona të moshës së tretë në kryeqytet. Në fjalën e tij, Meta tha se mbështetja për këtë shtresë do të jetë prioritet i partisë që ai drejton. Ai shtoi se dyfishimi i pensioneve është masë emergjente.
“Përse duhet që një pjesë e madhe prej jush në këtë moshë kur shëndeti është sfidë e madhe të mos gjeni në listën e barnave të rimbursueshme, barnat që ju keni nevojë të kuroheni dhe një pjesë prej jush sforcohen dhe i blejnë vetë. Një pjesë nuk ka mundësi të kurohet dhe shëndeti i tyre përkeqësohet. Shpreh solidaritetin e PL me të gjithë ju dhe në të gjithë vendin dhe siguroj që mbështetja për ju do të jetë prioriteti ynë. Në mandatin e parë të dyfishohen pensionet se kjo është domosdoshmëri se është përkeqësuar standardi i jetesës së pensionistëve në vend. Ne kemi çuar edhe një ligj në parlament për indeksimin e pagave çdo vit në raport me rritjen e ekonomike dhe inflacionin këtë do të bëjmë dhe me pensionet që t’i japim fund kësaj filozofie të zhvillimit ekonomik dhe qeverisjes së vendit”. (A2 Televizion)
A2 CNN Livestream
MUND TE LEXONI GJITHASHTU
