Qeveria amerikane vendosi të anulojë vizitën e Gjeneralit të Gardës Kombëtare të Ajouas, Timothy Orr në Kosovë, në shenjë pakënaqësie për taksën ndaj produkteve serbe.
Këtë e bëri të ditur komandanti i Forcës së Sigurisë së Kosovës, Rrahman Rama, në një letër dërguar presidentit Hashim Thaçi.
Në letër thuhet se zyrtarët amerikanë në Kosovë e kanë njoftuar atë se Uashingtoni po shqyrton masa të tjera, përfshirë pezullimin e programeve trajnuese për FSK-në.
Lajmin për anulimin e vizitës së gjeneralit për shkak të taksës e ka konfirmuar për Radion Evropa e Lirë edhe Ambasada e Shteteve të Bashkuara në Prishtinë. Vizita e gjeneralit ishte parashikuar të realizohej nga data 16 deri më 18 shkurt, me rastin e 11 vjetorit të pavarësisë së Kosovës. (A2 Televizion)
A2 CNN Livestream
MUND TE LEXONI GJITHASHTU
