Tensionet në veri të Kosovës, Harxhi: Nuk është çështje targash, plan rus për destabilizim

Ish-zëvendësministrja e Jashtme, Edith Harxhi, ishte e ftuar në Debat nga Alba Alishani në A2 CNN nga ku u diskutua për tensionet në veri të Kosovës.

Harxhi u shpreh se kjo nuk është çështje targash, por një plan rus për destabilizimin e Ballkanit.

“Nuk është çështje targash apo kartash identiteti, por është shumë më e thellë se kaq. Është e padiskutueshme që këtu ka një plan rus për destabilizimin e rajonit tonë. Rusia varet nga Serbia për realizimin e këtij plani. Rusët kanë kaluar në një plan të hapur sa i përket mbështetjes së Serbisë dhe planit që kanë për destabilizimit të Ballkanit.

Me Serbinë faktori ndërkombëtar punon për ditë. Shpeshherë ka pasur edhe deklarata të shefit të NATO-s se deri ku mund të tolerohet Serbia në qëllimet e saj”, u shpreh Harxhi. (A2 Televizion)