Qeveria shqiptare i kërkon Aleksandër Vuçiç që të tërheq ushtrinë e vendosur në kufirin e Kosovës. Nëpërmjet një deklarate në Twitter, Ministrja e Jashtme, Olta Xhaçka u shpreh se ky vendim është i rrezikshëm për të gjithë rajonin e Ballkanit Perëndimor.
“As ushtria e Republikës së Serbisë nuk dotë hyjë në “Kosovë”, as ushtria e Kosovës nuk do të hyjë në ndonjë konflikt të armatosur! Gjithçka ka të bëjë me një shfaqje të politikës së brendshme dhe nuk ka të bëjë me interesat e njerëzve të zakonshëm. Kjo është jashtëzakonisht e rrezikshme dhe duhet të ndalet për hir të gjithë rajonit tonë”, shkruhet në reagim.
Tensionimi i situatës në veriun e Kosovës nisi me vendosjen e barrikadave të njëpasnjëshme, për të cilën Tirana zyrtare i kërkon udhëheqjes së Serbisë që të mos i justifikojë ato.
Republika e Serbisë duhet të ndalojë së përkrahuri me justifikime të pajustifikueshme ngritjen e barrikadave në veri të Kosovës dhe më në fund të kuptojë se e ashtuquajtura “Kosova & Metohija” ka ikur. Përgjithmonë! Barrikadat nuk mbrojnë asnjë serb në Kosovë, ato vetëm minojnë të ardhmen tonë të përbashkët”, shton ministrja.
Si zgjidhje të kësaj situate të tensionuar, edhe qeveria e Shqipërisë sheh dialogun e nisur nga SHBA-BE si opsioni më e mirë.
“Shqiptarët dhe serbët janë dy kombet më të mëdhenj të këtij rajoni dhe ata janë “dënuar” për të gjetur një rrugë të qëndrueshme drejt një të ardhmeje të përbashkët. Ne u bëjmë thirrje të dy liderëve të ulen dhe të bisedojnë dhe ne i bëjmë thirrje BE-së/SHBA-së që të insistojnë në të. Çdo gjë tjetër përveç dialogut është e dënuar të dështojë mjerisht”, vijon reagimi.
Ky është reagimi i dytë brenda 24 orëve i Qeverisë së Shqipërisë e cila një ditë më parë e quajti ngritjen e barrikadave nga kriminelë të njohur, si një reminishencë e ditëve të errëta të 1990 dhe të Jugosllavisë që nuk ekzistojnë më. (A2 Televizion)
A2 CNN Livestream
MUND TE LEXONI GJITHASHTU
