“Testimet nuk tregojnë situatën reale të Covid-19 në Durrës”

Tamponët që vijnë për qytetin e Durrësit nuk janë të mjaftueshëm, duke mos iu përgjigjur nevojës për hetimin e duhur epidemiologjik.

Për rrjedhojë edhe shifrat që jepen për personat e infektuar nuk janë të sakta dhe shumë më të ulëta se sa infektimet reale.

Ky është alarmi që ka ngritur Zija Alhysa, kryetari i Konfederatës së Mjekëve të Durrësit dhe njëkohësisht punonjës i njësisë vendore të shëndetit.

Sipas tij, edhe përgjigjet tani vonohet me tre apo katër ditë në një kohë që në fillimet e pandemisë përgjigjja vinte brenda 8 orësh.

Alhysa ka ngritur edhe shqetësimin e punëtorëve sezonalë që u kërkohet testi ndaj Covid-19 në Mal të Zi apo Kroaci dhe që nuk kanë mundësi se ku ta bëjnë. (A2 Televizion)