563 – Kisha bizantine Hagia Sofia në Kostandinopojë u bekua për herë të dytë pas shkatërrimit nga tërmetet. Hagia Sophia, Shën Sofia, ka qenë kishë patriarkale ortodokse greke, më pas xhami perandorake osmane dhe tani muze në Stamboll. 
1851 – Në prag të Krishtlindjeve, një shkëndijë nga një sobë në Bibliotekën e Kongresit në Uashington brenda Kapitolit shkaktoi zjarr dhe djegien e shumë prej koleksionit të Bibliotekës. 
1865 – Themelohet Ku Klux Klani, grup i njohur ndryshe si Klan ose Urdhër i Maskuar nga maskat e bardha që mbajnë anëtarët e saj për të mbuluar fytyrën gjatë veprimeve terrorizuese. Sipas vlerësimeve, në vitin 2012 KKK kishte rreth 8 mijë anëtarë. 
1871 – Mbahet Premiera e operës “Aida” e Giuseppe Verdit. 
1922 – Lindi aktorja amerikane Ava Gardner. Rolin e saj të fundi ajo e luajti në vitin 1982, në filmin “Regina Roma”. 
1924 – Ahmet Zogu hyri triumfalisht në Tiranë pas rrëzimit të Fan Nolit. Deri atëherë Shqipëria ishte principatë. Zogu i kërkoi parlamentin për të përcaktuar një sistem qeverisës. Parlamenti miratoi shpejt një kushtetutë të re, shpalli Shqipërinë republikë dhe i dha Zogut kompetenca të pakufizuara. 
1968 - Në vigjilje të Krishtlindjes, ekuipazhi prej tre vetash i anijes së hapësirës Apollo 8, e cila ndodhej në orbitë rreth Hënës, bëri një pushim të shkurtër me rastin e festës. Objektivi kryesor i Apollo 8-s ishte të merrte fotografi nga afër të Hënës, sidomos të atyre zonave që mund të ishin të përshtatshme për uljen e njeriut në Hënë në të ardhmen.
Kalendari historik, 24 dhjetor. (A2 Televizion)
A2 CNN Livestream
MUND TE LEXONI GJITHASHTU
