Tragjedia në Bullgari, politika shqiptare reagon me një zë

Liderët e politikës shqiptare kanë reaguar me një zë mbi tragjedinë e ndodhur në Bullgari, ku një autobus u përfshi nga flakët pas një aksidenti, duke i marrë jetën të paktën 45 personave, kryesisht të rinj nga Maqedonia e Veriut.  

Kryeministri Edi Rama ka shprehur dhimbjen për aksidentin tragjik në Bullgari, ku humbën jetën edhe fëmijë.

“S’ka fjalë për tragjedinë e autobusit nga Maqedonia e Veriut në Bullgari, ku kanë humbur jetën thuajse të gjithë udhëtarët… Dhimbje”, shkruan Rama.

Edhe presidenti shqiptar, Ilir Meta, ka reaguar për tragjedinë në Bullgari, duke shprehur “hidhërim të thellë”. 

Kreu i Partisë Demokratike, Lulzim Basha, ka nënvizuar humbjen “e kaq shumë jetëve të pasagjerëve, përfshirë shumë bashkëkombas tanë e mes tyre shumë të mitur. Ngushëllimet më të ndjera familjeve të viktimave. Zoti ju dhënë forcë në përballimin e kësaj dhimbjeje të tmerrshme. (A2 Televizion)