Në 8 ndeshjet e mbrëmjes së të martës në Champions League u shënuan plotë 28 gola, me një mesatare prej 3.5 gola për ndeshje.
Pa më të voglin dyshim, futbollisti i mbrëmjes mund të vlerësohet talenti i Bayern Munchen, Serge Gnabry, i cili realizoi 4 herë në portën e finalistëve të sezonit të kaluar në Champions, Tottenham, në fitoren e thellë 2-7 të gjermanëve në Londër.
Më poshtë, ju sjellim edhe 3 golat më të bukur të mbrëmjes.
3 - CRISTIANO RONALDO
Provoi shpesh të shënonte, por u ndal në disa tentativa nga portieri i Leverkusen Hradecky. Megjithatë, portugezi nuk u largua nga fusha e lojës pa e dërguar topin në rrjetë. Madje, duke shënuar një gol mjaft të bukur edhe për meritë të skuadrës bardhezi. Dybala ia kaloi topin mes këmbëve kundërshtarit për te CR7, i cili bën të njëjtën gjë me portierin.
2 - JOSHUA KIMMICH
Hapi serinë e golave për Bayern në minutën e 15. Kontroll perfekt i topit, shmang kundërshtarin e më pas lëshon një goditje fantastike në drejtim të portës nga rreth 25 metra, duke mos i lënë asnjë shans reagimi portierit kundërshtar.
1 - SERGE GNABRY
Vendi i parë i takon ylli të mbrëmjes, i cili realizoi 4 gola, por për t’u veçuar ishte i pari për të ndaj Tottenham. Kontroll i gjatë i topit nga Bayern, më pas në lojë futet Gnabry, i cili e merr topin në mesin e fushës dhe me një shpejtësi “skëterrë” i drejtohet portës, duke shmangur mbrojtjen e në fund mposht edhe portierin Lloris. Një mbrëmje e paharrueshme për 24-vjeçarin gjerman... (A2 Televizion)
A2 CNN Livestream
MUND TE LEXONI GJITHASHTU
