Pezullohet përkohësisht procesi mësimor në një shkollë 9-vjeçare në Njësinë Administrative Rrashbull, Bashkia Durrës.
Burime për A2 CNN bëjnë me dije se rreth 540 nxënësit e arsimit 9-vjeçar të shkollë “Vëllezërit Haradinaj”, janë njoftuar kur kanë mbërritur mëngjesin e sotëm në shkollë për defektin në sistemin e kaldajave, dëmtimi i të cilave ka shkaktuar ujë në pothuajse të gjitha katet e objektit.
Shkolla në fjalë, është një ndër shkollat e rindërtuara dhe ka vetëm pak kohë që është vënë në funksion të nxënësve.
Drejtuesit e shkollës shprehen jashtë kamerave se vendimi për pezullimin e mësimit është marrë në koordinim me Drejtorinë Vendore të Arsimit, ndërsa nuk dihet ende se kur mund të bëhet rikthimi i shkollës në normalitet. (A2 Televizion)
A2 CNN Livestream
MUND TE LEXONI GJITHASHTU
