SHBA merr lajme të mira në luftën ndaj koronavirusit. Mbi 82 milionë doza të vaksinave anti-covid janë administruar deri më tani, sipas Qendrës për Kontrollimin dhe Parandalimin e Sëmundjeve.
“Jemi tani rreth 2 milionë vaksinime në ditë. Kjo do të thotë se çdo ditë apo javë që kalon, kemi më shumë njerëz të mbrojtur”, deklaroi Anthony Fauci, këshilltari mjekësor i presidentit Biden.
Me ecurinë pozitive të vaksinimeve, më shumë shtete po heqin kufizimet. Guvernatori i Alabamës tha se nga prilli mbajtja e maskës nuk do të jetë me detyrim. Virologu i njohur amerikan, Anthony Fauci, kritikoi këtë qasje dhe kërkoi që masat të mos lehtësohen.
Edhe Teksasi pritet që të mos respektojë urdhrin për mbajtjen e maskës, një vendim të cilin presidenti Joe Biden e konsideron si gabim të madh.
“Kur do të jetë koha e duhur ekzaktësisht? Do të jetë kur çdokush të marrë një vaksinë? Apo kur Covid-19 të ketë mbaruar?”, u shpreh guvernatori i Teksasit, Greg Abbott.
Ekspertët shëndetësorë thonë se është thelbësore të pritet që më shumë njerëz të imunizohen dhe që numri i rasteve ditore të bjerë. Në të kundërt situata do të përshkallëzojë, siç ndodhi vitin e kaluar kur kufizimet u hoqën më herët seç duhej.
Numri total të infektuarve në Shtetet e Bashkuara është mbi 28.8 milionë, ndërsa 520 mijë persona kanë humbur jetën që prej shpërthimit të pandemisë. Në 24 orët e fundit, u raportuan 65 mijë raste të reja dhe mbi 2400 viktima. (A2 Televizion)
A2 CNN Livestream
MUND TE LEXONI GJITHASHTU
