Varianti i ri Covid-19, me origjinë nga Anglia juglindore, është identifikuar në Danimarkë, Holandë dhe deri në Australi.
Lajmi u bë i ditur të dielën nga udhëheqësja teknike e Organizatës Botërore të Shëndetit për koronavirusin, Maria Van Kerkhove.
"Ky variant është identifikuar në Danimarkë, në Holandë dhe kishte një rast edhe në Australi”, tha ajo për BBC.
"Është shqetësuese që virusi po përhapet dhe se ka kaq shumë mutacione. Ne e kuptojmë që nuk shkakton sëmundje më të rëndë nga informacioni paraprak që Mbretëria e Bashkuar ndau me ne, por ende po bëhen studime te pacientët e shtruar në spital me këtë variant", shtoi ekspertja.
Sipas Kerkhoves, sa më shumë të përhapet ky virus, aq më shumë mundësi ka ai për të ndryshuar.
“Sa më shumë që përhapet ky virus, aq më shumë mundësi ka për të ndryshuar. Pra, ne me të vërtetë duhet të bëjmë gjithçka që mundemi tani për të parandaluar përhapjen", shtoi ajo. (A2 Televizion)
A2 CNN Livestream
MUND TE LEXONI GJITHASHTU
