Procesi ndaj të akuzuarve për vrasjen e Nezir e Gentian Beqirit, babë e bir, në vitin 2012 në Elbasan vijoi të mërkurën me përballjen mes të penduarit të drejtësisë dhe të pandehurit Ardian Çapja.
Të veçuar nga njëri-tjetri, i penduari Ervis Bardhi, rikonfirmoi para gjykatës, se ekzekutimi i Gentian Beqirit i ishte kërkuar nga Ardian Çapja dhe vëllai i tij, Florenc Çapja.
“Unë nuk kisha konflikt, por e bëra vetëm për lekët”, tha i penduari, deklarim që ngjalli reagimin e Ardian Çapjes në kafazin e sallës. “Po gënjen, është mashtrues ordiner”, tha Çapja, ndërsa i pandehuri po pyetej nga avokatët e tij.
Për vrasjen e dy anëtarëve të familjes Beqiri, SPAK ka vënë nën akuzë Ardiane Florec Çapjan, Ervis Bardhin, Klajdi Dokolin e Olsi Lekun. (A2 Televizion)
A2 CNN Livestream
MUND TE LEXONI GJITHASHTU
