Një nga autorët e dyshuar për vrasjen e Edmond Papës rezulton të jetë i biri i një punonjësi policie. Siç bën të ditur policia, pas ndalimit të 30-vjeçarit, Drejtoria e Përgjithshme e Policisë së Shtetit ka pezulluar nga detyra të atin, inspektor D. V., me detyrë trup shërbimi në Seksionin e Patrullës së Përgjithshme në Komisariatin e Policisë Nr. 4, Tiranë.
Po ashtu, njoftohet se Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin e thelluar ndaj këtij punonjësi të policisë.
Kujtojmë se një nga autorët e dyshuar për vrasjen e Papës më 16 dhjetor të vitit që shkoi u vu në pranga mëngjesin e 1 janarit.
Po ashtu, në kuadër të operacionit “EAGLE EYES”, u shpall në kërkim një qytetar tjetër, A. B., 44 vjeç, banues në Tiranë, në cilësinë e bashkautorit. (A2 Televizion)
A2 CNN Livestream
MUND TE LEXONI GJITHASHTU
