Anglezët e West Ham janë fituesit e edicionit të dytë të Conference League, kompeticionit të tretë më të rëndësishëm për klube në Europë, pasi mundën në finale 2-1 Fiorentinën.
Italianët e mbyllën pjesën e parë favoritë, por pa mundur dot të realizonin. Pjesa e dytë nisi me avantazhin e anglezëve, të cilët kaluan në avantazh me anë të një 11-metërshi të kthyer në gol nga Benrahma.
Fiorentina reagoi menjëherë dhe e gjeti golin e barazimit me anë të Bonaventura-s. Kur u mendua se ndeshja shkoi në shtesë, West Ham arriti të gjejë golin e fitores me Bowen.
Pas Romës sezonin e shkuar, West Ham bëhet skuadra e dytë që fiton Conference League. Në anën tjetër, skuadrat italiane humbën një tjetër mundësi për të fituar një trofe dhe tashmë shpresat e vetme mbeten tek Interi, i cili do të luajë finalen e Champions League në Stamboll më 10 qershor ndaj Manchester City-t. (A2 Televizion)
A2 CNN Livestream
MUND TE LEXONI GJITHASHTU
