Policia greke ka zbardhur vrasjen e Caroline Crouch, nënës së re të lindur dhe e rritur në Greqi, por me shtetësi britanike. Sipas raportimeve nga mediat greke, burri i saj, Charalambos Anagnostopoulos, ka pranuar se e ka vrarë vetë, kur ajo e kërcënoi se do ta linte dhe do të merrte me vete edhe fëmijën.
Sipas dokumentit të policisë, kishte të dhëna për fajësinë e pilotit 32-vjeçar, i cili u detyrua të pranojë krimin makabër.
Anagnostopoulos u kishte thënë fillimisht hetuesve se gruan ia kishin vrarë disa grabitës që i hynë në shtëpi, ndërsa atë e kishin lidhur.
Por, sot, pas 6 orësh marrje në pyetje, greku pranoi gjithçka. "Kur i vumë përpara provat, rrëfeu gjithçka", tha zëdhënësi i policisë, Apostolos Skrekas.
Ai shtoi se arsyeja e vrasjes ishte se disa orë përpara krimit, Caroline i kishte thënë atij se do ta linte. (A2 Televizion)
A2 CNN Livestream
MUND TE LEXONI GJITHASHTU
