Por ndërsa e gjithë bota, po e paguan me rritje të infektimeve, rihapjen graduale të jetës ekomike e sociale, Zelanda e Re mund ta shijojë pa frikë normalitetin, ashtu si në kohët e para pandemisë.
Kafenetë e klubet u tejmbushën sërish me njerëz, mënjëherë pasi qeveria e Jacinda Ardern njoftoi heqjen e të gjitha kufizimeve, përveç kontrolleve në kufi.
Gjithashtu transporti publik nisi të operojë më kapacitet të plotë dhe palestrat mirëpriten klientë, pa kufizime në numër. Shteti ishullor është çliruar nga koronavirusi, e nuk ka asnjë rast aktiv.
Zelanda e Re është një prej shteteve të para në botë që i rikthehet normalitet të para pandemisë, pa kushte e kufizime të distancimit social, ashtu si në pjesën më të madhe të botës.
Rihapja erdhi pas disa muajsh kufizime, përfshirë një izolim strikt 7-javor, ku shumica e bizneseve, përveç atyre që ofronin shërbime thelbësore, mbyllën qepenat. (A2 Televizion)
A2 CNN Livestream
MUND TE LEXONI GJITHASHTU
