Komiteti Evropian i Agjencisë së Barnave EMA për Produktet Medicinale për Përdorim Njerëzor ka zgjatur periudhën e miratuar të ruajtjes së flakonit të shkrirë dhe të pahapur të vaksinës Pfizer / BioNtech në 2-8 ° C, domethënë të ruajtjes në një frigorifer të rregullt nga pesë ditë në 31 ditë. Kjo u njoftua nga EMA.
Zgjatja e periudhës së ruajtjes, komunikon EMA, është aprovuar pas vlerësimit të të dhënave të mëtejshme mbi studimet e stabilitetit të paraqitura nga prodhuesi.
"Pritet që një fleksibilitet më i madh në ruajtjen dhe trajtimin e vaksinës do të ketë një ndikim të rëndësishëm në planifikimin dhe logjistikën" e përdorimit të saj në vendet anëtare të BE, thuhet në deklaratën e Agjencisë Rregullatore Evropiane.
Ndryshimet e përshkruara do të përfshihen në informacionin e disponueshëm publik për vaksinën dhe etiketimi i produktit do të përditësohet në përputhje me rrethanat.
EMA është në dialog të vazhdueshëm me kompanitë farmaceutike që prodhojnë vaksinat Covid-19 mbi përmirësimet që kompanitë po zhvillojnë për prodhimin dhe shpërndarjen e këtyre barnave në Evropë, thekson deklarata. (A2 Televizion)
A2 CNN Livestream
MUND TE LEXONI GJITHASHTU
