Sot është afati i fundit për regjistrimin e koalicioneve në KQZ. Partia Socialiste hyn e vetme në zgjedhjet e 25 prillit. PD dhe aleatët e saj shkojnë në një listë koalicioni, nën emrin “Shqipëria fiton”. Partia Republikane dhe ajo Agrare Ambientaliste, kanë arritur zyrtarizimin e marrëveshjes gjatë mesditës.
“Plotëson të gjitha marrëdhëniet opozitare për të pasur një koalicion fitues në zgjedhje”, tha Fatmir Mediu. I pyetur sa kandidatë do të ketë PR, Mediu tha: “Ky është një proces që nuk mbaron sot, por ditën kur mbyllen listat.
Në negociata me Bashën janë edhe Fryma e Re Demokratike, por ato nuk po zhvillohen nga kreu i saj, ish-presidenti Bamir Topi, por nga Sali Shehu.
Ndërkohë, Paskal Milo i Partisë Demokracia Sociale, është ende në bisedime me Lëvizjen Socialiste për Integrim, por gjasat janë që emri i tij të jetë në listat e kësaj të fundit dhe të mos futet si koalicion. (A2 Televizion)
A2 CNN Livestream
MUND TE LEXONI GJITHASHTU
