Të gjithë të burgosurit që gëzojnë të drejtën e votës do të kenë mundësi të votojnë në 14 maj. Sipas ministrit të Drejtësisë, Ulsi Manja, Drejtoria e Përgjithshme e Burgjeve, ka marrë masa për të regjistruar në listat e zgjedhësve, edhe personat që kanë përfunduar në qeli pas 4 prillit, kur u publikua lista përfundimtare zgjedhore.
Pavarësisht origjinës së tyre, të burgosurit do të votojnë për kandidatët e bashkive ku ndodhet burgu ku janë të izoluar. Por, të dënuarit nuk mund të marrin leje të dalin jashtë institucionit para apo gjatë zgjedhjeve.
Ndërkohë amnistia e përgjithshme e shumëpërfolur e këtij viti pritet të ndodhë pas procesit zgjedhor.
Sipas ministrit Manja, burgjet nuk kanë mbipopullim, por janë pranë limitit të kapacitetit dhe amnistia do të ndihmojë për mbajtjen e kapaciteteve në kufij normale. (A2 Televizion)
A2 CNN Livestream
MUND TE LEXONI GJITHASHTU
