Ndonëse vëmendja në këto ditë të nxehta është përqendruar në Vlorë dhe Gjirokastër, vatra zjarri ka pasur edhe në veri të vendit.
Më i fundit ka qenë ai që ka rënë mbrëmjen e së mërkurës, në kodrat e Tepes, pranë qytetit të Shkodrës. Zjarri u shfaq rreth orës 21:45 minuta, duke marrë për pak minuta përmasa të konsiderueshme.
Përveç flakëve që rrezikuan banesat, reja e tymit mbuloi qytetin e Shkodrës në mbrëmje. Ndërhyrja e menjëhershme, fillimisht e banorëve të zonës dhe më pas e forcave zjarrfikëse, bëri që fatmirësisht zjarri të lokalizohej dhe në orët e para të mëngjesit të fikej plotësisht.
Drejtori i zjarrfikëses së Shkodrës ka një apel për situatën e zjarreve, ku përveç ndërgjegjësimit të njerëzve, i apelon Drejtorisë së Policisë së Shkodrës për më tepër vigjilencë ndaj këtyre zjarreve të qëllimshme.
Kryezjarrfikësi i Shkodrës nuk ka lënë pa përmendur as numrin e vogël të efektivëve të repartit zjarrfikës, të cilët po përballojnë një situatë të vështirë me zjarre dhe që po përsëritet thuajse çdo vit.
Fatmirësisht, vatrat e zjarreve edhe në zona të tjera në veri të vendit nuk kanë rrezikuar banesat apo njerëzit. (A2 Televizion)
A2 CNN Livestream
MUND TE LEXONI GJITHASHTU
