Kombëtarja nuk arriti të merrte më shumë se një barazim pa gola në miqësoren ndaj Gjeorgjisë, por në fushën e lojës u pa qartë se kuqezinjtë kanë fituar një lojtar për të ardhmen.
Ai është mesfushori i Empolit Kristjan Asllani, i cili luajti 90 minuta në këtë ndeshje, duke bërë një paraqitje fatantastike.
Pas ndeshjes, ai u shpreh: “Është emocion unik. Luajtëm të gjithë mirë, kemi bërë shumë raste, mungoi vetëm goli para tifozëve, por do të vijë edhe goli, jam i sigurt. Unë hyra në fushë, doja të kërkoja të ndihmoja çunat dhe shpresoj se e kam bërë mirë. Unë e ndjej veten më mirë kur luaj si 6 para mbrojtjes. Edhe te Empoli kam luajtur aty, por futem ku të dojë trajneri.
Unë dhe Bajrami njihemi mirë, por sot ndjehemi mirë me mesfushorët dhe jam shumë i lumtur se kemi bërë super ndeshje me ekipin. Për mua ekipi është shumë i fortë dhe do të bëjmë shumë gjëra të bukur në të ardhmen”, tha Asllani. (A2 Televizion)
A2 CNN Livestream
MUND TE LEXONI GJITHASHTU
