Degët më të kërkuara në Universitete mbyllin regjistrimet pa përfunduar zyrtarisht procesi. Kur kanë mbetur edhe 5 ditë nga raundi i parë i pranimeve, dega e Mjekësisë së Përgjithshme dhe Arkitektura nuk kanë më vende të lira. Drejt plotësimit të kuotave janë programet e Informatikës, Infermierisë dhe Stomatologjia.
Arjan Xhelaj, kreu i rrjetit akademik shqiptar tregon se 67% e maturantëve tashmë janë regjistruar në shkollat e larta. Universiteti i Tiranës kryeson për numrin më të lartë të të rinjve të regjistruar, në vendin e dytë është Universiteti i Mjekësisë dhe pas tyre më i kërkuari rezulton Universiteti i Durrësit.
Ndërsa degët e mësuesisë vijojnë të kenë më pak pranime edhe pse për specialistët e arsimit në këto programe më e rëndësishme është cilësia e studentëve. Referuar ecurisë së regjistrimeve në shkollat e larta në raundin e parë pritet të regjistrohen 85% e maturantëve. Me mbylljen e këtij procesi më 11 shtator, nis raundi tjetër për plotësimin e kuotave të mbetura bosh. (A2 Televizion)
A2 CNN Livestream
MUND TE LEXONI GJITHASHTU
