Andi Rraja, një nga të arrestuarit për dhunimin e kushërinjve Maja ka kërkuar lirimin nga masa e sigurisë “arrest në burg”.
Andi Rraja, së bashku me Ineid Rrajën dhe Eni Kullën u arrestuan për dhunën ndaj Jashar dhe Bilbil Majës në ambientet e një lokali në Krujë, në fillim të korrikut.
Mbrojtja e Andri Rrajës kërkon që masa aktuale e sigurimit për të, të ndryshohet me “detyrim për t’u paraqitur në policinë gjyqësore.”
Ndër të tjera, si argument, avokati i Rrajës sjell ndër të tjera edhe faktin që nga raporti i nxjerrë së fundmi, lëndimet e marra nga kushërinjtë Maja, janë klasifikuar në kategorinë e dytë të dëmtimeve.
“Dëmtimet kanë sjellë humbjen e përkohshme të aftësisë për punë në masën mbi 9 ditë që në Kodin Penal, parashikohet si kundravajtje penale e plagosjes së lehtë me dashje sipas nenit 89 të Kodit Penal, që në sanksionin e saj parashikon dënim me gjobë ose me burgim deri në dy vite.”
Sherri mes Majave dhe Rrajave nisi për shkak të gurores në Borizane, pasi fisi Maja ankohej se aktiviteti i saj i kishte dëmtuar banesat. (A2 Televizion)
A2 CNN Livestream
MUND TE LEXONI GJITHASHTU
