Raketa që vrau dy persona në impiantet e grurit në Poloninë jugore në nëntorin e kaluar, ishte ukrainase. Kjo është konfirmuar nga ekspertët polakë, sipas raportimeve të gazetës Rzeczpospolita.
Shpërthimi i raketave në Poloni e cila është anëtare e NATO-s, ngjalli frikën se lufta në Ukrainë mund të përshkallëzohej në një konflikt më të gjerë duke aktivizuar klauzolën e mbrojtjes reciproke të NATO-s.
Por në atë kohë, Varshava dhe aleanca Atlantike e vlerësuan si një gabim nga Ukraina.
Burime të njohura me hetimin i thanë Rzeczpospolita se Polonia ka konfirmuar se raketa që ra në fshatin Przewodow ishte një S 300 5-W-55 që u qëllua nga territori ukrainas.
“Kjo raketë ka një rreze prej 75 deri në 90 km”, shkruan gazeta duke cituar një burim.
“Në atë kohë, pozicionet ruse ishin në një distancë të tillë që asnjë raketë ruse nuk mund të arrinte në Przewodov.”
Megjithatë, Ukraina ka mohuar që raketa e saj të ketë rënë në Poloni. Sipas Rzeczpospolita, pala ukrainase nuk ka ofruar materiale për hetuesit polakë.
Gazeta citoi Lukasz Lapczynski, një zëdhënës i prokurorisë polake, të ketë thënë se prokurori ka marrë mendimin e ekspertëve, por nuk po e publikon përmbajtjen e tij sepse është konfidencial. (A2 Televizion)
A2 CNN Livestream
MUND TE LEXONI GJITHASHTU
