Pas pyetjes në SPAK të kryebashkiakut në detyrë të Bashkisë Himarë, Jorgo Goro, kallëzimi i bërë nga burgu prej Alfred Belerit, çoi në këtë godinë ish-deputetin Artan Gaçin, bashkëshorti i ish-ministres së Jashtme, Olta Xhaçka.
Biznesmeni Gaçi qëndroi për gati 3 orë në SPAK. Sipas burimeve, ai u pyet në lidhje me akuzat e ngritura në kallëzimin e Belerit, që pretendon se një pjesë e truallit në bregdetin e Himarës, ku Gaçi po investon si investitor strategjik, është përfituar përmes falsifikimit të dokumenteve.
Në dalje nga SPAK Gaçi nuk dha asnjë koment mbi arsyen e paraqitjes së tij në SPAK. Në kallëzimin e depozituar nga Beleri në SPAK në muajin gusht janë kallëzuar, katër persona, mes të cilëve kryebashkiaku Jorgo Goro, Artan Gaçi, Olta Xhaçka.
Sipas kallëzuesit, ish-ministrja e Jashtme ka “shpërdoruar detyrën”, pasi duke mos deklaruar konfliktin e interesit, është përfituese në investimin strategjik për shkak të regjimit martesor me Gaçi. (A2 Televizion)
A2 CNN Livestream
MUND TE LEXONI GJITHASHTU
