Një alarm për raketa të nisura nga Hamasi, por fatmirësisht të shkatërruara nga “Iron Dome”, ka rënë në aeroportin e Tel Avivit pak para nisjes prej andej të avionit me kancelarin gjerman Olaf Scholz në bord.
Shefi i Bundestagut u detyrua të braktiste avionin dhe të evakuohej me shpejtësi nga autoritetet izraelite pas alarmit, ndërsa në fotot e postuara në platformën X, shihen të shtrirë në pistë anëtarët e stafit të tij.
#Raketenalarm in Tel Aviv. Die Regierungsmaschine wird umgehend evakuiert. @Bundeskanzler wird in einen Schutzraum gebracht. Wir legen uns vor dem Flugzeug auf den Boden. @robinalexander_ @frautoroxel pic.twitter.com/OTWV55KUoA
Siç raporton Welt, pjesë e delegacionit që shoqëronte Scholz kanë qenë edhe gazetarë, të cilët janë detyruar të shtrihen po ashtu në pistë.
Sakaq, raportohet se dy raketa të Hamasit që synonin aeroportin u neutralizuan mbi pistë nga sistemi mbrojtës i Izraelit.
Sipas gazetës gjermane, kancelari vrapoi drejt një kontejneri aty pranë dhe prej andej drejt strehës, ndërsa pas disa minutash, pasagjerët arritën të hipnin sërish në avion. (A2 Televizion)
A2 CNN Livestream
MUND TE LEXONI GJITHASHTU
