Sikur të ishin duke xhiruar skenën e një filmi aksion, marina meksikane ndjek në det të hapur një varkë me shpejtësi të lartë që po transportonte kokainë nga Meksika drejt Shteteve të Bashkuara të Amerikës më 1 shtator.
Pamjet, e publikuara nga marina meksikane të martën, tregojnë ndjekjen nga helikopteri të varkës, në të cilën, pas sekuestrimit, u gjetën 75 pako që në total kishin 2,9 tonë kokainë. Gjatë ndjekjes, një prej marinsave zbret në varkë, ku përveç lëndës narkotike ishin edhe tre persona, të cilët u arrestuan.
Nuk është bërë e ditur, ndërkohë, nëse të arrestuarit ishin pjesë e ndonjë prej karteleve meksikane të drogës, apo vlera e lëndës narkotike nëse do të kishte mbërritur në destinacion. (A2 Televizion)
A2 CNN Livestream
MUND TE LEXONI GJITHASHTU
