Prokuroria e Posaçme, SPAK, i kërkoi gjykatës një dënim me 1 vit e 8 muaj burg për ish-drejtuesin e RTSH, Thoma Gëllçi.
Sipas SPAK, Gëllçi duhet të fajësohet për akuzën e “shpërdorimit të detyrës”, në lidhje me një procedurë tenderuese në RTSH në vitin 2018. Për akuzën e “shkeljes së barazisë në tendera”, Prokuroria e Posaçme kërkoi fajësi edhe për tre të bashkëpandehurit e Gëllçit, Julian Tapia, Ervin Muraj dhe Alban Malaveci.
Për ish-anëtarët e Komisionit të Vlerësimit të Ofertave u kërkua nga 12 vite burg për secilin.
Masat e kërkuara të dënimit ishin më të rënda, por 4 të pandehurit përfituan uljen e një të tretës për shkak të gjykimit të shkurtuar.
Sipas SPAK, Gëllçi dhe të bashkëpandehurit shkelën ligjin gjatë tenderit me fond limit 87 milionë lekë për blerjen e pajisjeve për kanalin RTSH AGRO. Prokuroria e Posaçme ngriti dyshime se ishte paracaktuar kompania që përfitoi tenderin, si edhe pati ndryshime të kontratës në lidhje me afatet e dorëzimit të pajisjeve. (A2 Televizion)
A2 CNN Livestream
MUND TE LEXONI GJITHASHTU
