Qeveria është e bindur se zgjatja e afatit të vetingut në drejtësi do të miratohet në Kuvend, pavarësisht se opozita ende nuk ka dhënë një konfirmim për të bashkuar votat që do ta mundësonin këtë.
Dëshmi e optimizmit të mazhorancës është listave e investimeve që shoqëron projekt-buxhetin e ri. Socialistët kanë parashikuar një fond të posaçëm për Organin e Kualifikimit, i cili do të lëvrohet çdo vit deri në 2024-n, ndonëse aktualisht mandati i tyre përfundon qershorin e ardhshëm.
Disa ditë më parë mazhoranca depozitoi zyrtarisht dokumentin që kërkon shtyrjen e këtij afati deri në dhjetor të 2024-s, ndërsa kryeministri Rama e quajti të panegociueshme këtë kërkesë.
Por, planifikimi i fondit në buxhet nuk është shpenzimi i vetëm që qeveria parashikon për organet e kualifikimit.
Ekzekutivi ka shtuar dhe numrin e punonjësve për këtë institucion, nga 64 që ishin parashikuar në buxhetin e këtij viti, stafi për vetingun në drejtësi shkon në 76 vitin e ardhshëm.
Zgjatja e organeve të vetingut është mbështetur nga ambasadorja e Shteteve të Bashkuara të Amerikës dhe ambasadori I BE-së, Luigi Soreca, ndërsa ende nuk ka një datë për votimin në Kuvend të këtij propozimi, I cili kërkon 2/3 e votave, pasi shoqërohet me ndryshime kushtetuese. (A2 Televizion)
A2 CNN Livestream
MUND TE LEXONI GJITHASHTU
