“Agresioni rus nuk ndalet në Ukrainë, synimi është Europa”

Gjatë mesazhit më të fundit drejtuar kombit, presidenti Volodymyr Zelensky u shpreh se agresioni rus nuk ka si synimi vetëm Ukrainën, pasi sipas tij objektivi kryesor është e gjithë Europa.

Kreu i shtetit ukrainas, përsëriti thirrjen ndaj Perëndimit që të vendosë një embargo totale ndaj produkteve ruse të energjisë dhe kërkoi më shumë armatime për të vijuar luftën. Sipas tij, përdorimi i forcës nga Rusia është një katastrofë që do t’i godasë të gjithë pa përjashtim.

Më tej, Zelensky shprehu besimin se Ukraina është e gatshme për një betejë të ashpër, në një kohë që trupat ruse po rigrumbullohen në lindje të vendit.

“Kjo ka për të qenë një betejë e fortë, por ne besojmë se do të fitojmë. Jemi të gatshëm që njëkohësisht të luftojmë dhe të kërkojmë për mënyra diplomatike për t’i dhënë fund kësaj lufte”, u shpreh Zelensky.

Sipas negociatorit, Mykhailo Podolyak, presidenti Zelensky nuk do të takohet me homologun rus, Putin deri sa Rusia të mundet dhe në lindje. (A2 Televizion)