Ndryshimet e reja ligjore parashikojnë unifikimin e taksës mbi gazin në 6 lekë/litër. Për automjetet kjo nënkupton një ulje të kësaj barre me 2 lekë, por për familjet që ngrohen dhe gatuajnë me gaz, nënkupton një rritje të çmimit, pasi deri dje ky produkt nuk taksohej për ta.
Elton Haxhi, ish-zv/ministër i Financave, deklaroi në studion e “A2 Business” se akciza 6 lekë e gazit nuk do të rëndojë në xhepat e qytetarëve, por po vihet për një qëllim tjetër.
“Kjo është më tepër një masë për të mbyllur hapësirat për denatyrim të shitjes së gazit, nuk ka ndonjë rëndesë në xhepat e qytetarëve. Por, do të thoja që nuk duhej nisur nga gazi ndoshta, sepse ka shumë gropa të tjera që duhej të ishin mbyllur që në vitin e parë. FMN ka rekomanduar që të bëhet menjëherë heqja e përjashtimeve në masë. Duhej nisur heqja e përjashtimeve, jo me gazin. Nga të gjitha këto ndryshime, i vetmi ndryshim i planifikuar janë cigaret. Të tjerat janë të pakonsultuara. Edhe kjo paketë, si shumë të tjera, nuk është konsultuar para se të shkojë në komisione”, deklaroi Haxhi. (A2 Televizion)
A2 CNN Livestream
MUND TE LEXONI GJITHASHTU
