Një aksident me pasojë vdekjen ka ndodhur sot në mbrëmje në Cërrik.
Sipas burimeve në terren, mësohet se një mjet ka aksidentuar një këmbësor, i cili ka humbur jetën.
Bëhet me dije se viktimë është një person rreth të 60- vjeçari Tomorr Kasa, ndërkohë që mendohet se shkaku mund të jetë bërë errësira në atë aks rrugor, që i ka pamundësuar shoferit, shtetasit Ervin Hysa, dallimin e kalimtarit fatkeq.
Forcat e rendit ndodhen në vendngjarje për të përcaktuar dinamikat e aksidentit fatal.
Deklarata e Policisë
Aksidentoi një 60-vjeçar, me pasojë vdekjen, dhe u largua menjëherë nga vendi i aksidentit, identifikohet, kapet dhe vihet në pranga, brenda pak minutash, autori i dyshuar.
Rreth orës 19:00, në lagjen nr. 3, Cërrik, një automjet aksidentoi me pasojë vdekjen, shtetasin T. K., rreth 60 vjeç, banues në Cërrik, dhe u largua menjëherë nga vendi i aksidentit.
Falë veprimeve të shpejta dhe të mirëkoordinuara policore, është bërë i mundur identifikimi, kapja e menjëhershme dhe shoqërimi në ambientet e DVP Elbasan, i shtetasit E. H., 35 vjeç, banues në Cërrik, si autor i dyshuar i këtij aksidenti. Ndaj 35-vjeçarit do të kryhen veprimet e mëtejshme procedurale në lidhje me këtë ngjarje.
Grupi hetimor vijon punën për zbardhjen e plotë të rrethanave të këtij aksidenti. (A2 Televizion)
A2 CNN Livestream
MUND TE LEXONI GJITHASHTU
