Eduard Kësolla, i akuzuar se vrau për gjakmarrje Prekë Tonajn në fshatin Grudë të Shkodrës, është lënë në burg me afat 35 ditë nga Gjykata.
Në seancën gjyqësore, i pandehuri nuk ka folur asnjë fjalë. Avokati i tij ka kërkuar që të sillen prova që e implikojnë 30-vjeçarin, si dhe ka kërkuar një masë më të lehtë pasi deri tani nuk ka asnjë provë.
Gjykatësja e çështjes ka caktuar masën e sigurisë “arrest me burg me afat 35 ditë” për të pandehurin Eduard Kësolla.
Ngjarja e rëndë ndodhi pak pas orës 19:00 të së dielës, ku Prek Tonaj u ekzekutua me kallashnikov nga një person i maskuar brenda një lokali. Plumbat e shumtë që kapën shënjestrën e këtij atentati, i shkaktuan Tonajt vdekjen e menjëhershme.
Tonaj është një person i njohur për Policinë e Shkodrës, pasi 11 vite më parë ka qenë i proceduar bashkë me dy persona të tjerë, si të dyshuar se kishin planifikuar një vrasje. Ndërsa më herët, viktimës i kanë vrarë edhe dy vëllezër të tjerë. (A2 Televizion)
A2 CNN Livestream
MUND TE LEXONI GJITHASHTU
