Kryeministri i Kosovës Albin Kurti është shprehur mbrëmjen e së mërkurës se në planin evropian përfshihet edhe zbatimi i marrëveshjes për Asociacionin e Komunave me Shumicë Serbe.
“Ka asociacion në planin evropian”, është shprehur Kurti për RTK.
“Në nenin 10 të dy palët konfirmojnë zbatimin e marrëveshjeve të kaluara që ngelin valide dhe të obligueshme. Janë 39 marrëveshje”, ka theksuar Kurti.
Kurti u shpreh po ashtu se ndonëse nuk ka pasur nënshkrim në Ohër, marrëveshje midis Kosovës dhe Serbisë ka.
“Kemi marrëveshje, sepse lehtësuesi, Bashkimi Evropian, ka konstatuar diçka të tillë. Kemi marrëveshje. Është një gjë që pala serbe nuk po dëshiron që ta zbatojë. Mosnënshkrimi është mungesë vullneti për ta zbatuar marrëveshjen. Serbia ka dhënë fakte që po bëjnë shkelje të marrëveshjes por unë nuk jam ai që duhet të merrem me këtë”. (A2 Televizion)
A2 CNN Livestream
MUND TE LEXONI GJITHASHTU
