Partia Socialdemokrate në Kosovë vijon me përgatitjet për protestën e 25 marsit kundër marrëveshjes së Ohrit. Disa aktivistë të kësaj partie kanë lëshuar një tortë dhe “milk shake” ndaj zëvendëskryeministrit, Besnik Bislimi.
Në njoftimin e PSD-së thuhet se ky aksion ishte “për Zajednicën” një fjalë në gjuhën serbe për asociacionin.
“E gëzofshin këta që e pranuan! Kurse ne, qytetarët e Kosovës, do ta kundërshtojmë atë dhe do të kërkojmë masivisht dorëheqjen e tyre. Prandaj, protestojmë të shtunën, më 25 mars, në orën 14:00”, thuhet në njoftimin e kësaj force politike që lindi nga përçarja në Lëvizjen Vetëvendosje.
PSD-ja ka kundërshtuar vazhdimisht politikat e qeverisë së Albin Kurtit, me një fokus të veçantë në obligimet e marra në kuadër të dialogut me Serbinë. (A2 Televizion)
A2 CNN Livestream
MUND TE LEXONI GJITHASHTU
