Kryeministri i Kosovës, Albin Kurti, priti në takim përfaqësuesit politikë të shqiptarëve të Preshevës, Medvegjës dhe Bujanocit.
Ata diskutuan kryesisht për rezultatin e zgjedhjeve parlamentare në Serbi, veçanërisht për tri komunat me shumicë shqiptare. Kurti u përqëndrua në pasivizimin e mbi 6 000 adresave të shqiptarëve në këto komuna, duke e konsideruar këtë “një spastrim etnik administrativ të heshtur që po sjell pasoja të mëdha”.
“Kjo metodë e Serbisë, që iu mohoi të drejtën elementare e demokratike, atë të votës, solli edhe rezultate jo të kënaqshme. Andaj, këto zgjedhje as nuk ishin të lira e as demokratike”, u shpreh kryeministri i Kosovës.
Gjithashtu, përmendi garimin e shqiptarëve me dy lista të ndara si një faktor të dëmshëm për rezultatet zgjedhore.
Mes një delegacioni të gjerë, pjesë e takimit ishin kryetarja e Komunës së Preshevës, Ardita Sinani, kreu i Bujanocit, Nagip Arifi, kreu i Partisë për Veprim Demokratik, Shaip Kamberi etj. (A2 Televizion)
A2 CNN Livestream
MUND TE LEXONI GJITHASHTU
