Ambasadori i Gjermanisë në vendin tonë, Peter Zingraf, reagoi për shembjen e Teatrit Kombëtar, duke e konsideruar këtë gjë si të nxituar dhe të vështirë për t’u kuptuar.
“Shembja e nxituar e Teatrit Kombëtar në Tiranë agimin e ditës së sotme në atë formë që e pamë, është për mua e vështirë për t’u kuptuar. Pikërisht në situatën aktuale të jashtëzakonshme dialogu mes qeverisë dhe shoqërisë civile si dhe sjellja transparente e qeverisë janë veçanërisht të rëndësishme”, shprehet Zingraf.
Sipas ambasadorit gjerman, “ky zhvillim më shqetëson edhe më shumë nisur nga konteksti i luftës kundër pandemisë së virusit Corona, duke qenë se grumbullimet e njerëzve të ndodhura deri tani dhe ato të pritshme mund të sjellin hapa pas”.
“U bëj thirrje të gjithë aktorëve për dialog dhe vetëpërmbajtje”, theksoi Peter Zingraf. (A2 Televizion)
A2 CNN Livestream
MUND TE LEXONI GJITHASHTU
