Qindra motoçiklistë dhe drejtues të mjeteve të tjera motorike shkaktuan kaos në rrugët e Majamit të hënën, pasi kishin organizuar një event të paligjshëm, të quajtur “Gomat lart, armët poshtë”.
Ata u kapën në kamera duke ngarë motorët në mënyrë të rrezikshme dhe duke ecur në drejtim të kundërt. Zyra e sherifit të kontesë Brauard tha se “pushtimi” i paligjshëm i rrugëve ndodh çdo vit në ditën e Martin Luther King dhe ka nisur për nder të një motoçiklisti të mbetur të vrarë në një aksident. Megjithatë, përpos qëllimit të mirë, zyra e policisë së Majamit tha se ata që kanë shpëtuar pa u arrestuar të hënën, të presin që shumë shpejt t’u trokasë policia në derë.
Ndërkohë, skena edhe më kaotike u regjistruan të dielën në Kaliforni, ku qindra motoristë bllokuan rrugët në San Francisko. Një 20-vjeçar humbi jetën pas një aksidenti me motorin e tij, ndërsa qindra makina mbetën të bllokuara në trafik për shkak të kaosit të shkaktuar. (A2 Televizion)
A2 CNN Livestream
MUND TE LEXONI GJITHASHTU
