Analisti Ben Andoni e cilësoi si të suksesshëm protestën e sotme para kryeministrisë, të thirrur nga ish-kryeministri Sali Berisha për të protestuar për vizitën e Aleksander Vucic në Shqipëri, në kuadër të Open Balkan, por edhe për çështjen e inceneratorëve.
“Ne mendimin tim protesta ishte e kuruar, në formë ishte e gjetur, pjesëmarrja e mirë, dhe e arriti objektivin e tij. Ata treguan se kanë karburant për protesta të tjera”, tha Andoni.
Sipas Andonit Ballkani i Hapur, përtej disa masave që mund të jenë edhe interesante, nga pikëpamja e impaktit politik në rajon është shqetësues.
“Nga ana politike, mbart probleme të mëdha. E parë nga kërcënimi me forcë që ka bërë Serbia, duke thyer edhe marrëveshjen e Kumanovës, së dyti për armatosjen që po bën Beogradi, më pas për ngritjen e sferës serbe. Në këtë kauzë, që më shumë ishte për të treguar potencialin e protestës, mori më shumë peshë protesta ndaj Vucic sesa çështja tjetër, ajo e inceneratorëve.
Kjo ishte një e metë, sipas tij. “Mu duk e pagjetur të bashkosh një kauzë të madhe si inceneratorëve me Open Ballkan. Prisja që të kishte përballje më të thella për inceneratorët, që janë një problem shumë i madh për Shqipërinë”, tha Andoni në A2 CNN. (A2 Televizion)
A2 CNN Livestream
MUND TE LEXONI GJITHASHTU
