Ish-ministrja e Financave Anila Denaj është paraqitur në SPAK këtë të premte. Burime pranë strukturës antikorrupsion bëjnë me dije se ajo është thirrur lidhur me hetimet që janë duke u kryer për tenderin e sterilizimit në ministrinë e Shëndetësisë. Ajo pritet të japë sqarime si person që ka dijeni si ish-ministre e Financave.
“Për informacione që kam dijeni gjatë kohës që kam qenë drejtoreshë e shërbimeve mbështetesë në ministrinë e Financave, në vitin 2014," deklaroi Denaj para gazetarëve kur u pyet se cili ishte motivi i pranisë së saj para prokurorëve të SPAK.
Ndërsa më herët për këtë çështje janë pyetur edhe ish-ministri Ilir Beqja dhe ish-zv.ministri Klodian Rrjepaj.
SPAK po zhvillon hetime edhe për tendera të tjerë që dyshohet se kanë natyre korruptive, siç është koncesioni për check-up. Pak ditë me parë në kuadër të hetimeve për këtë tender SPAK, mori në pyetje 70 qytetarë nga Elbasani.
Denaj ka mbajtur postin e ministres së Financave nga Janari 2019 deri në shtator 2021. Aktualisht ajo është deputete e Partisë Socialiste në qarkun e Vlorës. (A2 Televizion)
A2 CNN Livestream
MUND TE LEXONI GJITHASHTU
