Një histori surreale nga Nju Jorku ka tronditur opinionin publik dhe ka ekspozuar një mangësi serioze në sistemin gjyqësor amerikan. Protagonist është Aitabdel Salem, 41 vjeç, me origjinë nga Algjeria, i cili kaloi pesë muaj në burg pa qenë i vetëdijshëm se mund të dilte me vetëm 2 dollarë.
Salem u arrestua për dyshimin e vjedhjes së një palltoje në një dyqan në Manhattan dhe për rezistencë ndaj policisë. Fillimisht, gjykata i caktoi një shumë prej 25 mijë dollarësh, që ishte e paarritshme për të. Por një javë më pas, akuzat për sulm ndaj policisë u tërhoqën dhe mbetën vetëm dy shkelje të vogla për falsifikim të kartave të metrosë – për të cilat gjykata kishte vendosur një gjobë simbolike prej vetëm 1 dollar për secilën, shkruan A2 CNN.
Fatkeqësisht, askush nuk e informoi Salem për këtë ndryshim. Për muaj të tërë ai qëndroi në burg, ndërsa gjobën mund ta paguante me monedha. Avokatët e tij të rinj, Glenn Hardy dhe Theodore Goldbergh, e mësuan më vonë të vërtetën dhe akuzuan avokatin e mëparshëm për neglizhencë. “Klienti ynë nuk kishte asnjë informacion për gjobën reale. Ai mund të kishte qenë i lirë që ditën e parë”, u shpreh Hardy për mediat.
Kjo nuk është një situatë e izoluar. Startup-i “Betterbail”, i cili merret me analizimin e rasteve të gjobave dhe mbrojtjes ligjore, zbuloi se qyteti i Nju Jorkut përdor shpesh “gjoba simbolike” – një praktikë ligjore kur dikush përballet me disa akuza njëherësh.
Ky rast ka rikthyer debatin mbi efektivitetin e mbrojtjes ligjore falas dhe nevojën për reforma në sistemin penal amerikan. (A2 Televizion)
A2 CNN Livestream
MUND TE LEXONI GJITHASHTU
