Arsenal thyen Chelsea, kthehet në krye të renditjes

Nga A2 CNN
3 Maj 2023, 07:11 | Futboll
Arsenal thyen Chelsea, kthehet në krye të renditjes

Ndeshjet e mesjavës në Premier League u hapën me suksesin e madh të Arsenalit në derbin kundër Chelsea. Topçinjtë triumfuan me rezultatin 3-1, duke u kthyer te fitorjanë kampionat pas katër ndeshjeve. Ky rezultat e ktheu ekipin e Artetas në krye të renditjes.

Odegaard hapi serinë e golave në minutën e 18-të, duke shfrytëzuar asistin e Granit Xhakës dhe rreshtimin e gabuar të mbrojtjes së Chelsea.

Kapiteni i Arsenalit dyfishoi rezultatin në të 31-ën, pas të njëjtës skemë, ku Xhaka pasoi nga e majta e sulmit, teksa ylli norvegjez e dërgoi topin në rrjetë.

Pak çaste më pas, Gabriel Jezus realizoi edhe golin e tretë për Arsenalin, duke mbyllur ndeshjen. Në fakt, goli i Madueke nuk i mjaftoi Chelsea të kthehej në lojë, duke bërë që blutë të regjistrojnë humbjen e gjashtë në po kaq ndeshje me Frank Lampard të rikthyer në stol.

Me fitoren 3-1 Arsenali ngjitet përkohësisht në vendin e parë të renditjes me 78 pikë, 2 më tepër se Manchester City, që gjithsesi ka dy pikë më pak. Skuadra e Pep Guardiolës do të synojë të kthehet në krye prej mbrëmjes së sotme, ku luan ndeshjen e prapambetur me West Ham. (A2 Televizion)

A2 CNN Livestream

Latest Videos