Avokati i PD: Vazhdojmë betejën në Kolegjin Zgjedhor, të shohim a është në anën e ligjit

Përfaqësuesi i PD në Komisionin Qendror të Zgjedhjeve, Marash Logu, përmes një postimi njoftoi se Partia Demokratike nga e hëna do të vazhdojë betejën e saj ligjore për atë që cilëson si “masakrën zgjedhore të 25 prillit” në Këshillin Zgjedhor.

Kjo pasi KAS, sipas Logut, “mbylli sytë para qindra fakteve e provave, dhe refuzuan paligjshmërisht 171 kërkesa për transparencë të plotë”.

“Megjithatë, pas dorëzimit të 5 padive të para, nga nesër vazhdojmë betejën në Kolegjin Zgjedhor. Nesër i takon Kolegjit të vendosë nëse do të jetë në anën e ligjit, duke pranuar provat tona dhe marrë çdo provë të kërkuar për të vërtetuar plotësisht masakrën zgjedhore të 25 prillit, apo do të vazhdojë historinë e vendimeve si ai i fletëve të votimit që bëri nul vullnetin e 83 mijë shqiptarëve”, vijon përfaqësuesi në KQZ i PD-së, Marash Logu. (A2 Televizion)